သရက်မြို့ သတ္တဌာနဘုရားသမိုင်း

မြန်မာသက္ကရာဇ် ၁၂၃၁ခု(ခရစ်၁၈၆၉ခု)တွင် နယ်ချဲ့ အင်္ဂလိပ်အစိုးရ သည် သရက်အကျဉ်းထောင်ကြီးကို တည်ဆောက်ခဲ့ရာ အကျဉ်းထောင် တည်ဆောက်ရာတွင် ထွက်လာသော မြေများကို ယခု သတ္တဌာနဘုရား တည်ရှိရာသို့ သယ်ယူ မြေဖို့ ခဲ့ပါသည်။ သရက်မြို့ အနောက်ရပ်တောင်ပိုင်း ဗုဒ္ဓဘာသာဝင် ရပ်ကွက်သူ ရပ်ကွက်သားများက မြေညှိ ပေးခဲ့ပါသည်။ ၄င်းမြေကို ဂေါတမမြတ်စွာဘုရား ဘုရားအဖြစ်သို့ ရောက်ရှိတော် မူပြီးနောက် နေရာဌာန(၇)ခုတွင် (၇)ရက်စီ စံပါယ်သီတင်းသုံးတော်မူဟန် ရုပ်ပွါးတော်များ ကို တည်ထားရန် သတ်မှတ်ပြီး ကုန်းတော်ကိုလည်း သတ္တဌာန ဘုရား ကုန်းမြေဟု သတ်မှတ်ခဲ့သည်။ တည်ထားသော သတ္တဌာန ဘုရားများမှာ
၁။အလယ်တွင် ဗောဓိပင်နှင့် ရွှေပလ္လင်၊
၂။အနောက်မြောက်ထောင့်တွင် ရတနာဃရ စံအိမ်၊
၃။မြောက်ဖက်ထောင့်တွင်ရတနာစင်္ကမစင်္ကြံ၊ ၄။အရှေ့မြောက်ထောင့်တွင်အနိမိဿ ကုန်းတော်၊
၅။ အရှေ့ဖက်တွင် အဇပါလဆိတ်ကျောင်းညောင်ပင်၊
၆။အရှေ့တောင်ဘက်တွင် မုဉ္စလိန္ဒာအိုင်နှင့်
၇။အနောက်တောင်ဘက်တွင် ရာဇာယတန လင်းလွန်းပင် တို့ကို အသီးသီး တည်ထားခဲ့ပါသည်။ သတ္တဌာနဘုရားများအပြင် စက်တော်ရာ(ခြေတော်ရာ) ကိုပါ ထည့်သွင်း တည်ထား ခဲ့ပါသည်။
မြတ်စွယ်တော်ရောက်ရှိလာခြင်း
        မြန်မာသက္ကရာဇ် ၁၂၆၀ခု (ခရစ် ၁၈၉၈) တွင် သရက်မြို့ သမာဓိမြို့ဝန် ဦးထွန်းအောင်ကျော်နှင့် ဇနီး ဒေါ်သက်ရှည် တို့သည် သီရိလင်္ကာနိုင်ငံ မြတ်စွာဘုရား၏ လက်ဝဲစွယ်တော် ကိန်းဝပ်တော်မူသော ဂန္ဓကုဋိ တိုက်ရှိရာ ကန္ဒီမြို့ သို့ ရောက်ရှိပြီး သုံးရက်တိုင်တိုင် ဥပုသ်သီလ ဆောက်တည် လျှက် နေထိုင်ခဲ့ပါသည်။ ဦးထွန်းအောင်ကျော်နှင့် အဖွဲ့  ဘာသာတရားကိုင်းရှိုင်းပုံကို တွေ့မြင်သော ဗုဒ္ဓဘာသာ အင်္ဂလိပ်လူမျိုး အရှင်မဟာဥပတိဿမထေရ်ကဘုရင်ခံချုပ်ထံခွင့်ပန်၍ မြတ်စွာဘုရား၏စွယ်တော်အစစ်နှင့်လုံးရပ်သဏ္ဍာန်   ရောင်လျှံအဆင်းတူသော စွယ်တော်ပွါးတစ်ဆူကို စီမံ၍ စွယ်တော်အိမ်တွင် ဓါတ်တော်များပါ ထည့်သွင်း၍ စွယ်တော်အစစ်နှင့်အတူ (၄၉)ရက်တိုင်တိုင် ကိန်းအောင်းတော်မူရာ ဦးထွန်းအောင်ကျော်နှင့်အဖွဲ့လည်း ၄၉ရက်လုံး ဥပုသ် သီလ ဆောက်တည်၍ နေခဲ့ပါသည်။ (၄၉)ရက်ပြည့်လျှင် အရှင်ဥပတိဿမထေရ် လွှဲအပ်ပေးသော စွယ်တော်ပွါးရတနာကို စွယ်တော်ကြုတ်အတွင်း အမွှေးနံ့သာများ ထည့်သွင်းပူဇော်ပြီး မြန်မာနိုင်ငံသို့ ပင့်ဆောင်လာခဲ့ပါသည်။
        သရက်မြို့နေအိမ်သို့ ရောက်ရှိသောအခါ ပင့်ဆောင်လာသော မြတ်စွယ်တော်အား လာရောက်ဖူးမြော်သူ များပြားပြီး ဆရာတော် သံဃာတော်များက အိမ်နှင့်စွယ်တော် မသင့်လျော်ကြောင်း၊ အများပြည်သူ ဖူးမြော်နိုင်ရန် သရက်မြို့ ရွှေဘုံသာဘုရားတန်ဆောင်းတွင် ပင့်ဆောင် ထားရှိရန် တိုင်ပင်ကြပြီး ရွှေဘုံသာ ဘုရားတန်ဆောင်းမှာ ကျဉ်းမြောင်းသဖြင့် သတ္တဌာနဘုရားတွင် ပင့်ဆောင်ထားရှိက ပိုမိုသင့်လျော်၍ သတ္တဌာနဘုရား အကျိုးဆောင်များ ထံ  ၁၂၆၁ခု တန်ဆောင်မုန်းလဆုပ် (၁၁)ရက်နေ့တွင် မီးခံသေတ္တာနှင့်တကွ လွှဲပြောင်းပေးအပ်ခဲ့ပါသည်။
        ငွေပန်းထိမ်ဆရာကြီး ဦးကျော်ဒင်နှင့် ဦးကျော့တို့က ဘော်ငွေသား (၃) ပိသာရှိ ဆင်ဖြူတော်စီး၍ ပန်းခိုင်ကို လက်နှစ်ဖက်ဖြင့် ကိုင်ပြီး ပန်းခိုင်အလယ်တွင် စွယ်တော်ကိုပင့်ဆောင်လာ သော သိကြားမင်း ပုံ ထုလုပ်ကြရာ ပထမအကြိမ်တွင် မအောင်မြင်ပဲ ဒုတိယအကြိမ်တွင် အောင်မြင်စွာ ထုလုပ်နိုင်ခဲ့ပါသည်။ ၁၃၃၄ခုနှစ်တွင် သရက်မြို့ ဘုရားဒကာဦးဘအို.ဒေါ်စိန်၊ ပြည်မြို့ ဘုရားဒကာ ဦးဘတင်.ဒေါ်နှင်းကြည်၊ သားဦးစိုးနိုင်.ဒေါ်မြညို မိသားစုတို့က ရွှေချိန် (၅၀ကျပ်သား၊ ၁၄ပဲ၊ ၇ ရွေးရှိ ရွှေသားကလာပ် ပြုလုပ်ကာ မြတ်စွယ်တော်ကို ရွှေကလာပ်ပေါ် တင် ၍  ပူဇော်ခဲ့ပါသည်။
        မြတ်စွယ်တော်ကို မူလက ယခု သတ္တဌာန ဘုရားဂေါပက ရုံးဖွင့်လှစ်ရာ နေရာတွင် ဂန္ဓကုဋီတိုက်ပြုလုပ် ထားရှိခဲ့သော်လည်း မသမာသူတစ်စုက ခိုးယူခဲ့သဖြင့် ပိုမိုလုံခြုံသော အလျား(၇၀)ပေ၊ အနံ(၅၀)ပေရှိ ဂန္ဓကုဋီတိုက်အသစ်ကို (၂၃-၁၂-၁၉၉၀)ခုနှစ် စတင်တည်ဆောက်ခဲ့ရာ(၆-၁-၁၉၉၅)တွင်တည်ဆောက်ပြီးစီးပြီး ယခုအခါ ဂန္ဓကုဋီတိုက်သစ်တွင် မြတ်စွယ်တော် ကိန်းဝပ်စံပါယ်လျှက်ရှိပါသည်။
ဗုဒ္ဓပူဇနိယပွဲတော်များကျင်းပခြင်း
        သတ္တဘုရားကြီး၏ ဗုဒ္ဓပူဇနိယပွဲတော်ကို ၁၂၅၁ခုနှစ်(ခရစ်၁၈၈၉ခုနှစ်) မှ စတင်၍ နှစ်စဉ်  ပြာသိုလဆန်း (၈)ရက်နေ့မှ ပြာသိုလပြည့်နေ့အထိကျင်းပခဲ့ပြီး ၁၃၅၁ခုနှစ်(ခရစ်၁၉၈၉ခုနှစ်)နှစ်တစ်ရာပြည့်၍ ဥာဏ်တော် ၁၀တောင် ၂မိုက်ရှိ ရာပြည့်စေတီကို   တည်ထားခဲ့ရာ (၂၇.၁၂.၁၉၈၉) တွင် ရေစက်သွန်းချခဲ့ပါသည်။ ပွဲတော်ရက်အတွင်း မြတ်စွယ်တော်ကို နံနက်(၈နာရီ)မှ ည(၁၀)နာရီအထိ အများပြည်သူ ဖူးမြော်ပူဇော်နိုင်ရန် စီမံဆောင်ရွက်ပေးခဲ့ပြီးည(၁၀)နာရီတွင်ဂန္ဓကုဋီတိုက်အတွင်းလုံခြုံစွာ ပြန်လည်သိမ်းဆည်းပါသည်။  မြတ်စွယ်တော် ကို  ၁၂၆၁ခုနှစ် (ခရစ်၁၈၉၉ခုနှစ်) မှစတင်၍ (၃)နှစ်တစ်ကြိမ် သရက်မြို့အတွင်း  ဒေသစာရီ လှည့်လည် အပူဇော်ခံ ခဲ့ရာ ယနေ့တိုင်ဖြစ်ပါသည်။ ပွဲတော်ရက် အတွင်း  အနယ်နယ် အရပ်ရပ်မှ နယ်လှည့် (၁၂)ပွဲ ဈေးသည်များ လာရောက်ပြီး အလှကုန်၊ လူသုံးကုန်၊ စားသောက်ကုန် အမျိုးမျိုး ရောင်းချကြပြီး ဇာတ်ပွဲများဖြင့် အလွန် စည်ကားသော ပွဲတော် တစ်ခုဖြစ်ပါသည်။
သတ္တဌာန ဘုရားသမိုင်းစာအုပ်မှ ထုတ်နှုတ်ဖေါ်ပြပါသည်။